Денес започнува саемот за образование односно „Деновите на образование и кариера“.
На саемот ќе се претстават образовните програми, капацитети и визии на високообразовните институции од земјава и странство. Покрај нив учество ќе земат и компании кои имаат програми за стипендирање и кои нудат професионална практика за студенти. Манифестацијата е наменета за средношколците кои се на крај на своето образовние и за сите студенти во РМ.
Во рамки на “Деновите на образование и кариера“ ќе се одржи по втор пат и “Образовното рандеву“. Оваа манифестација е во организација на Младинската асоцијација на средни стручни училишта на Македонија - МАССУМ формирана во април 2006 год. Во неа членуваат71 средно стручно училиште од РМ и USAID - Американската агенција за меѓународен развој.
Обрзовното рандеву ќе им овозможи на основците да се запознаат со работата на средните училишта и ќе им даде повеќе корисни информации при изборот на средните уќилишта во кои ќе го продолжат своето образование. Истот така на образовното рандеву ќе бидат претставени активностите и компаниите кои постојат во рамките на голем број средни училишта во РМ.
На рандевуто се организирани и голем број на натпревари и други активности кои ќе кулминираат во сабота на 21 април со завршната приредба на која ќе бидат прогласени најдобрите во повеќе категории.
Интересен настан кој вреди да се посети и да се види дека не е се така црно во македонскиот образвоен систем. Настан кој носи порака дека треба да им се даде шанса на младите и дека со правилна политика кон нив вложеното се враќа многу многу повеќе од што можеме и да претпоставиме.
Се гледаме таму.
:)
Нема коментари:
Објави коментар